శోభనాచల: అధ్బుత వర్ణ చిత్రాలు - గృహలక్ష్మి వారి “కంఠాభరణము” నుండి

Sunday, September 18, 2016

అధ్బుత వర్ణ చిత్రాలు - గృహలక్ష్మి వారి “కంఠాభరణము” నుండి

గృహలక్ష్మి మాసపత్రిక వారు పసుమర్తి కృష్ణమూర్తి గారి రచన “కంఠాభరణము” (వ్యాస సంకలనము) అనే పుస్తకాన్ని ప్రచురించారు. ఈ పుస్తకంలో మధ్యమధ్యలో సందర్భోచితంగా దాదాపు నలభైఐదు చక్కటి వర్ణచిత్రాలు ప్రచురించారు. అయితే ఈ చిత్రాలలో కొన్ని వారి మాసపత్రికలలో కూడా ప్రచురింపబడ్డాయి, కొన్ని గృహలక్ష్మి సంచిక ముఖచిత్రాలుగా కూడా వచ్చాయి. ఆ వ్యత్యాసం ఈ చిత్రాలుచూస్తే మీకేతెలుస్తుంది. చాలావాటిమీద చిత్రకారుల వివరాలు ప్రచురించలేదు. ఒకేచిత్రం రెండుసార్లు ప్రచురించినప్పుడు ఆ చిత్రాలకింద రెండురకాలుగా శీర్షిక రాయటంజరిగింది. వీటిల్లో మహిళాప్రముఖుల చిత్రాలు కూడా కొన్నివున్నాయి. ఆంధ్రపత్రిక వార్షికసంచికలలో, ఫ్రేము కట్టుకోటానికి వీలుగా, ఒక దళసరి అట్టలాంటిది పెట్టి దానిమీద ఆ వర్ణచిత్రం ఫోటో అంటించి ఇచ్చేవారు. ఈ చిత్రాలలో కొన్ని గతంలో పోస్ట్ చేసినవే, అయితే ఈతడవ అన్ని చిత్రాలు ఒకచోటికి తేవటం జరిగింది. మరి ఎప్పటిలాగే చక్కటి సంగీతం వింటూ ఆహ్లాదించండి.